Zubikoa Management ZUBIKOA MANAGEMENT
Bâtiment Orma, Z.A Lizardia
64310 SENPERE
Tel: +33 559 480 336
Fax: +33 559 480 338
E-mail:
Pantxoa Carrere - Anaitasunean

Pantxoa Carrere

¡DISKO BERRIA!

" Anaitasunean "


BideoKlipa : "Sinesten dut"

Oso zaila da eszenatokiaren deiari ez erantzutea. Batez ere, 42 urte oholtzean igaro
ondoren. Publikoaren maitasunari ez erantzutea ere eta bihotz bihotzez hau dena berarekin ez
partekatzea oso zaila baita ere.
Oraingoan, Pantxoa Carrere, bakarlari bezala eszenatokira itzuliko zaigu 2016ko azaroan.
Bere disko berria Elkar zigilupean argitaratuko duena aurkeztuko digu. Horretarako, musikari
ezin hobeak laguntzaile izango ditu. Hoien artean, Iñaki Dieguez (akordeoia), Joseba Loinaz
(pianoa), Joserra Mitxelena (gitarra akustikoa) eta Jean Michel Martineau (baxu akustikoa).
Disko honetan batez ere sorkuntza propioak aurkituko ditugu. Pantxoa beti leial
bere izakerarekin, gai dezberdinak jorratzen ditu bere kantuetan; eguneroko bizitzako
gauzak, Euskal Herriaren kezkak, baina etorkizun hobe baten itxaropena guztien gainetik.
Mikel Garikoitz - Lauve
Mikel Garikoitz


¡DISKO BERRIA!

"Lauve"

Eta berriro zuzenean 2016ko Marsotik aurera!

Oraingo honetan, eta azken urteetan izan dituen DENALI taldeko musikariak alde batera utzi eta profesionalak diren musikariekin grabatu du bere azken diska.
14 kantuz osatutako diska dugu honako hau, eta amodio istorioak ditugu gehienak kantari.
Kolaboratzaile aipagarriak ditu diskoan, Txomin Artola, Xabier Euzkitze, Aitor Amezaga eta Isidro Larrañaga besteak beste. Aipagarria ere 27 urtez elkar lanean egondu den Jexusmari Mendizabal eta lehen aldiz parte hartu duen Joxerra Garzia, kantu batzuen hitzak osatzen.
Musikari zoragarriak baino LAGUNAK izan ditu ondoan Mikel Garikoitzek guzi hau aurrera eraman ahal izateko.
Tolosako Molatu estudioan grabatutakoa dugu, Jonan Larrañaga eta Ander Zubillagaren lanari esker.
Esku artean daukadan proiektu honek ilusioz bete nau eta zuzenean Iñigo Salaberria (bibolina, mandolina, gitarra akustikoa, kaxa eta ahotsa), Xanet Arozena (gitarra akustikoa, elektrikoa eta koroak) eta Jon Ander Larrañaga (soinu teknikaria) lagun ditudala arituko naiz.

Maialen - Biluzik
Maialen


¡DISKO BERRIA!
"Biluzik"
(Agorila - 2014)

Bideoklipa : "Bam Bam"

7 urte pasatu dira Maialen-ek azken albuma ekoiztu zuenetik, 7 urte nun topaketa eta harreman ainitz eta aberatsgarriek kantarisa lagundu duten bere bilakaera pertsonalean.
Musikari talde berri baten konplizitatearekin (Pat Tétevuide, Iban Larreboure, Raphaél Ferreira eta Txus Aranburu) ibilbide eder hunek bideratu du Paxkal Etxepare-n estudioan album baten grabatzea.
Maialen-en biziak, iraganak, bere ingurumenak, hunkitzen duten egoerek, bere nortasunak dituzte iradokitzen “Biluzik “ dauzkan kantu bereziak.
Testu intimista horiek osatzen dute Pop-Rock Blues kutsuarekin diren musika zinez gaurkoak.
Diska huntan, Maialen-ek ditu idazten eta konposatzen pieza gehienak.
Artistak bereziki estimatzen dituen Itxaro Borda eta Jean-Louis Errotabehere-n lumak ere aurkitzen ditugu.
Albuma hunek eskaintzen dauzkigu ere kolaborazioak Petti eta Eñaut Elorrieta kantariekin, baita Bokale Brass Band taldearekin.
Hirugarren opus hunekin, Maialen-ek molde ezin ederragoan gonbidatzen gaitu bere bizian eta bere mundu artistikoan sartzea.